بلسبنه

ثریا قاسمی

balasbaneh — Sat, 19 Dec 2009 13:33:12 GMT

ایمروز ۲۸ آذر سالروز تولد ثریا قاسمیه پس فردا هم اونه مار سالروز تولده مار و دختر هر دوتا بازیگرده و اینقدر هم معروف ئیسده که نیازی نبه بازم اوشانه معرفی بوکونیم فقط ایته عکس و یه سری اون کاران.

فیلم شناسی :

سینمایی

دعوت (ابراهیم حاتمی کیا، 1387)
شاهزاده ایرانی (محمد نوری زاد، ۱۳۸۴)
رستگاری در هشت و بیست دقیقه (سیروس الوند ، ۱۳۸۳)
سرود تولد (علی قوی تن، ۱۳۸۳)
معادله (ابراهیم وحیدزاده، ۱۳۸۲)
بله برون (داود موثقی، ۱۳۸۲)
عشق فیلم (فقط صدا - ابراهیم وحیدزاده - ۱۳۸۰)
دختر شیرینی فروش (ایرج طهماسب - ۱۳۸۰)
خاکستری (مهرداد میرفلاح - ۱۳۸۰)
شام آخر (فریدون جیرانی - ۱۳۸۰)
مارال (مهدی صباغزاده - ۱۳۷۹)
حریف دل (رضا گنجی - ۱۳۷۵)
مجسمه (ابراهیم وحیدزاده - ۱۳۷۱)
خواستگاری (یدالله صمدی - ۱۳۶۸)
ستاره و الماس (سیامک شایقی - ۱۳۶۷)
خانه ابری (حجت الله سیفی، ۱۳۶۵)
زنده باد ... (۱۳۵۷)
آرامش در حضور دیگران (ناصر تقوایی - ۱۳۴۹)

مجموعه تلویزیونی

صاحبدلان (مجموعه تلویزیونی) - محمدحسین لطیفی، ۱۳۸5)
او یک فرشته بود (مجموعه تلویزیونی)- 1384)
شب دهم (مجموعه تلویزیونی - حسن فتحی، ۱۳۸۰)
قلب یخی (مجموعه، ۸۰/۱۳۷۹)
در قلب من (حمید لبخنده - مجموعه، ۷۷/۱۳۷۶)
در پناه تو (حمید لبخنده - مجموعه،۱۳۷۳)

سیستم پیامک گیل یار

balasbaneh — Fri, 04 Dec 2009 16:54:18 GMT

سیستم پیامک گیل یار شروع به کار بوگوده اطلاعات ویشتر واسی به گیل یار ایته سر بزنید.

وبلاگانی که در مورد میرزا کوچیک مطلب بینیویشتده

balasbaneh — Wed, 02 Dec 2009 13:51:18 GMT

جنگل http://jungle-glk.blogfa.com

می گیلان http://miguilan.wordpress.com

کوچک جنگلی http://kochakejangali.ir/

دانلود کیتاب "سردار جنگل" http://kochakejangali.blogfa.com/page/sardeare-jangal.aspx

مردم سالاری http://www.mardomsalari.com/Template1/News.aspx?NID=66993

شمال نیوز http://www.shomalnews.com/index.php?view&sid=20541

حرفهای بدون ویرایش http://anoshakravan.blogfa.com

اینتخاب سه تا وبلاگ

balasbaneh — Mon, 30 Nov 2009 08:29:50 GMT

یازده آذر برابر با سالگرد شهادت میرزا کوچیک به هه مناسبت سه تا از وبلاگان گیلانی قراره سایت گیل یار مئن معرفی ببن اینتخاب ا سه تا وبلاگ خارج از گروه گیل یار صورت گیره و گیل یار فقط اوشان هدیه گردن عهده دار به البته ا کار طی مراسمان دیگر هم انجام به . و سعی به هر ماه به بهانه مناسبتان مختلف یه تعداد از وبلاگانی که در مورد گیلان مطلب نیویسده تشویق ببد . هر جور نظر و پیشنهاد هم تانه امره امی کار مئن یاری بوکونه منتظر شیمی پیشنهادان ئیسیم.

درخت چشمه

balasbaneh — Fri, 27 Nov 2009 12:24:18 GMT

شبكه 3 سيما ایمروز "درخت چشمه" فیلما به كارگردانی محسن تربيت‌دوست ساعت 23 پخشا کونه.

درخت چشمه داستان ئیته پيرمردای ئیسه كه شوندره خانیه خدایه زيارت . و حلاليت طلبیدن واسی مردم روستا جا ئیته کوچی سفرا شوروع کونه. اما برعکس ئیته موقعیت مئن قرار گیره که خودش واسی ئی نفرا حلالا کونه. .....

محسن تربیت دوست

متولد: 1350- رشت

سوابق تحصيلی :

- كارشناسی رشته گرافيك دانشكده هنرهای زيبای دانشگاه تهران (1376-1372)
- دوره آموزش عكاسی و فيلمسازی سینمای جوان (1370-1367)
- دیپلم هنرستان گرافیک (1371-1367)

سوابق شغلی :
- ساخت آگهی‌های تبلیغاتی (بیش از 100 تیزر)
- برنامه‌سازی برای شبكه‌های يك، سه ،پنج ،سحر ،الكوثر و گروه توليد حج و زيارت سازمان صدا وسيما (از سال 1377 تاکنون)

عناوین بخشی از فيلمها و برنامه ها
- تهیه‌کنندگی و کارگردانی:

o فيلم كوتاه هواپيمای چوبی
o مستند رخ سياه
o مستند پيرمرد
o مستند پسربچه
o مستند آسمان آبی را به خاطر بسپار
o مستند بهترين سوغات(مجموعه هفت قسمتی تهیه شده در مدينه و مكه)
o مستند زائران كربلا
o برنامه شصت قسمتی اقتصاد روز
o برنامه بيست قسمتی اقتصاد1
o برنامه چهل قسمتی اخلاق و اقتصاد
o كليپ ( كشتی گير – يادگار دوست )
o فيلم مستند سه قسمتی (از بالا تا اوج)
o برنامه زنده "بس للشباب" (مجموعه 26 قسمتی تهیه شده در ایران, سوریه و لبنان)

- تصوير برداری:
o فيلم مستند پيامبر
o فيلم مستند جفت شيش
o كليپ راديو فرهنگ

تربیت دوست شخصی وبلاگ

استاد خمامی زاده

balasbaneh — Thu, 26 Nov 2009 05:38:40 GMT

مرداویج

balasbaneh — Mon, 23 Nov 2009 14:32:18 GMT

مرداویج پئر جا از تبار گیلانˇ فرمانروایان و مار جا از تبار اسپهبدان رویان و اون جد وردان شاه گیلˇ مئن پور قدرت دیشتی و زیار هم مرداویج پئر ایسم بو.

مرداویج ، سلسلیه آل زیار بونیانگذاری بوگوده . فرماندهی گیل و دیلما بدست بیگیته و سپاه المقتدر ، خلیفیه عباسیا شکست بدا و بتانسته دودمان زیار طبرستان جا تا خوزستان گوسترش بده. ا کار بعد حملیه اعراب به ایران بی سابقه بو زیاریان حدود دو قرن ایران مئن حکومت بوگودده .

مرداویج بعد ان که ایصفهانا بیگیفته دستور بدا تا اونˇ تاج و تخت پادشاهی چاکونن و هطو دستور بدا تا اونˇ تاج و تخت ، تاج و تخت خسرو پرویز مانستان ببه . مرداویج دستور بدا تا طاق کسرای ، جشن گیفتن واسی بازسازی ببه و ئیته دیگه از اونˇ کاران ، زنده گودن جشن سده بو.

ایمروز ایتفاقان

balasbaneh — Tue, 17 Nov 2009 04:59:18 GMT

۱۲ تیرما گیلکی برابر با ۲۶ آبان هجریˇ شمسی

ایمروز برابر با دوتا رویداد ، اولی درگذشت ابراهیم پور داوود سالˇ ۱۳۴۷ ه .ش و دومی تولد محمد شمس لنگرودی سالˇ ۱۳۲۹ ه.ش .

ابراهیم پورداوود ، ۱۲۶۴ ه.ش (امیدوارم ئی نفر پیدا به ا تاریخانˇ به گیلکی واگردانه) رشتˇ محلیه سبزه میدان مئن به دونیا بومو . اونˇ پئر حاجی داوود زمین دار و بازرگان بو اونˇ مارم حاجی ملاحسن خمامی زای بو . ابراهیم بعد مکتب خانه به مدرسیه حاجی حسن که سبزه میدانˇ صالح آبادˇ بازارچه مئن نهابو بوشو ، هه زمات جا خو شعر گوفتنا شوروع بوگوده و خو تخلصا "لسان" اینتخاب بوگود .سالˇ ۱۲۸۴ ه .ش خو برار و خو اوستاد امرا بوشو تئران ، و شوروع به یادگیری طب بوگود بعد چندی به بیروت بوشو و فرانسه ادبیاتا یاد بیگیته هه زمات مئن خو فامیلیا "پورداوود" بنا و اونه خاندان گیلان مئن خوشان فامیلیا "داوودزاده" بناده .

بعد دوسال و نیم واگردسته رشت . مردادˇ ۱۲۹۳ بوشو فرانسه و رشتیه حقوقا بخواند . پور داوود دو نفر دیگر ایله جار امرا پاریس مئن هفته نامیه "ایرانشهر" را تاودا .

جنگ جهانی اول مئن بوشو بغداد و روزنامیه " رستاخیز " مونتشرا گوده ولی اینتشار ا روزنامه ممنوع ببو و پورداوود کوچ بوگود به برلن و تا تمانا بستن جنگ اویه بئسا . پورداوود بعد ان که واگردسته ایران باز ئیته مسافرت به هند بوگود و بخشانی جی ادبیات مزدیسنا و گزارش اوستایا مونتشرا گوده.

پورداوودا به عونوان بنیانگذار ایران شناسی ایران مئن ، و به عونوان کسی که زوانˇ ایران باستانا زنده گوده شناسده هطو پورداوود اولین کسی بو که اوستایابه فارسی زوان واگردانه .

پورداوود شعر ، بینیویشته و کیتابانˇ زیادی خودش جا به یادگار بنا .

------------------------

محمد شمس لنگرودی

سالˇ ۱۳۲۹ هجری شمسی لنگرود مئن به دونیا بومو و شعر گوتنˇ دهه پنجاه جا شورو بوگوده. اونˇ شعر دفتر "رفتار تشنگی" سالˇ 1355 مونتشر ببوسته، اما خودش بعد اینتشار کیتابˇ "خاکستر و بانو" و "جشن ناپيدا" دهه شصت وسطان مئن معروفا بو. محمد شمس لنگرودی دانشگا مئن تاريخ هونر درس دهه. "پنجاه و سه ترانه عاشقانه" مجموع شعران پنجاه و سه سالگی اونه.

اما و امی ماهواره ای سیما

balasbaneh — Sat, 24 Oct 2009 10:15:18 GMT

امی چشم روشن امی سیمای گیلانم بعد مودتها اونه برنامان ماهواره ای ببسته چقد ذوق زده ببستیم اما . تا هسا چن بار ا کارا عقب تاودا بود یهو بی خبر اعلام ببسته شبکه اوستانی ماهواره ای ببو . اما که به نوبه خودمان هم خوشحالا بستیمی هم ان که الان دو روزه ذوق مرگ ببستیم . ا ماهواره ای بون اماره خیلی خوب ببسته اما که خیلی امی اوستان جا دوریم اوشانی که گیلان جا دورده دانده من چی گم ئیته کلان شهر چن میلیونی مئن وختی ناتانی ایته هم زوان بیاجی ، ئیته غریبه جا وختی ئیته هم شهریا دینی ذوق زده بی ، وختی ارزو کونی ئی نفره امرا دوکلام گیلکی گب بزنی گوش گودن اخبار گیلکی هرشب ئیته صفای دیگری داره .

ناقلن هر روز ئیته سر به امی اوستان زنیم اونه فیلمان ، اونه شهری گزارشان و... دینیم خاب ادم دیل وازا به . هر چن دانم اوشانی که گیلان مئن ئیساده شاید می دیده ندارن بالاخره ادم آب ورجه بئسه احساس تشنگی نوکونه .

همه ا حرفان امرا با بیدینیم امی صاب خانه رضایت دهه اما دیش (استغفرالله) بنیم یا نه !!

روشن فومنی (1)

balasbaneh — Thu, 08 Oct 2009 17:19:18 GMT

"روشن فومنی" ، ا ایسم تا حدودی وبلاگ نویسان گیلانی رˇ آشنایه ناقلن اوشانی که چند سالی ایسه وبلاگ مئن مطلب نیویسده و اوشانی رˇ که ادبیات مئن دستی دارده ویشتر.

"روشن" کی بو چی بوگوده و چی ببسته؟؟

تا هسا نتانستیم به هویت اصلی "روشن فومنی" پی ببریم البته چون خودش راضی به ا کار نبو امانم دور از اخلاق حرفه ای دانستیم که بشیم ا کار دومبال . تا جایی هم که خبر داریم کسی نتانسته به اونه هویت پی ببره ا زمینه مئن گمانه زنی هم زیاده ولی همش در حد هو گمانه زنیه.

اما ان که روشن فومنی چی بوگوده شا گوفتن روشن جی محدود گیله شاعرانی بو که بتانسته خیلی خب ا عرصه مئن خورا نیشان بده واز جای گوفتن داره که اون فارسی شعران هم خیلی پر مغز ئیسده گاهی اونه شعران به قدری عامه پسندده که طرف با ئی بار خاندن اوشان سر ذوق آیه هسا ان که ا شعران مربوط ببه به کشاورز و کارگر و قشر بیجیر جامعه.

روشن فومنی خیلی خب بتانسته قشر زحمت کش حرفانˇ به صورتˇ شعر در باوره ویشتر اونˇ شعران مئن ئیته سوز خاصی نها که نیشان دهه شاعر خودش دیلˇ پور دردی داره و ان که شاعر خودش او شرایط و او مسائل با خو گوشت و پوست درک بوگوده . ویشتر جاهان که گذشته جا حرف زنه خان و نوکر، ارباب و رعیت ، کد خدا و برزگر خیلی خب خورˇ نیشان دهه .

روشن شاعری ئیسه دو زوانه و تسلط زیادی به فارسی ادبیات و گیلکی ادبیات داره اگر چی خوره دارای سبک خاصی ئیسه و اونه گیلکی نیویشتان مئن حروف و کلماتی دره که گیلکی قوائد مئن جایی نداره و شا گوفتن خودش پایه گذار و تا حد زیادی هم تنها خودش جی ا راه و روش ایستفاده گودی نمونه حرف (ا) که هر وقت به صورت تنها امویی روشن ترجیه دایی (ع)جا ایستفاده بکونه و یا ایستفاده جی همزه زماتی که اول حرف امویی . و هطو کلماتی که خود روشن وارد گیلکی گودی و البته بعضیان اعتقاد داریدی که گیلکی زوان اینقدر وسعت داره که لازم نبه خودمان اونه کلمه جدید بسازیم.

در مورد گیلکی هم ویشتر اعتقاد داشتی گیلکی ئیته لفظ یا گویشا تا ئیته زوان ا ئیته مورد مئن ناقلن خیلیا مصلحتی هم که ببسته ترجی دهده بگد گیلکی زوانا نه چیز دیگه. ولی روشن هطو رفتار نوگوده تا جایی که مرا یاد آیه هیچ وقت جایی نوگوفته گیلکی زوانه تا هه اواخر که ایته قشنگ شعر بوگوفته ماری زوان روز واسی :

بمیرم جان مار..تی اون زوانه

می دستا -گیفتنو--تاتی گودانه

زوانه.. گیلکی مرا-بدی یاد

بدام افسوس من همه یا-برباد

هر چند ا شعرˇ دومی بیتˇ مئن ایته ایشاره به گیلکی زوان بوگوده ولی به احتمال زیاد ا لفظ جا به عونوان ایته ایصطلاح استفاده بوگوده به خوبی دیده به که روشن بین "زوانه" و "گیلکی" چندتا نقطه جا ایستفاده بوگوده کسانی که اونˇ شعران و نیویشتانˇ امرا آشنایی دارده خب دانده که ا شاعر تو ا موضوعان بسیار زیرک و باهوشه زماتی ا موضوع اماره روشنتره به که به آخرین بیت اونه شعر ایته نیگا تاودیم :

تمام -گیلکان کشکی- الیکی

چیره جخطرا دان* لفظ گیلکی؟!

با وجود همه ا مسائل نباید امی حسˇ ناسیونالیستی اون قد گل بوکونه که بخواییم یه همچین شاعریا طردا کونیم هر چند با ایته نگاه به اطراف و دور و بر ا شاعر گمنام خیلی راحت تانیم ب ا مطلب فارسیم که ادبی و تخصصی بحثان نبو که ا شاعرا میدان جا بدرا گوده بلکه ویشتر حاشیه و حاشیه سازی بو که یک طرف جا بوسیلیه یه عده که اوشان سر اجور کارانˇ درد کنه بوجود بمو و یک طرف هم خودˇ ا شاعر دانسته یا به احتمال قوی ندانسته خورا وارد چنین حاشیه هایی بوگوده حتی اوشانی که حس ناسیونالیستی و یا پان گیلکی هم اوشان خونه مئن دره دانیدی که نبودن ا شاعرˇ گمنام شاید هیچ ضرری ادبیات ا سرزمینˇ ر نداره ولی به طور حتم و بدون شک بودن ا شاعر و ایدامه کار اون خیلی به نفع گیلکی زوان ایسه هسا اگه یه عده نخایده به ا موضوع اقرار بوکوند با خودشان.